Sunday, March 3, 2024

தாதி ஒருவரை கத்தரிக் கோலால் குத்திய சத்திரசிகிச்சை நிபுணரிற்கு நேர்ந்த கதி

குருநாகல் போதனா வைத்திய சாலையின் சத்திரசிகிச்சை கூடத்தில் தாதி ஒருவரை கத்தரிக் கோலால் தாக்கி காயப்படுத்திய சம்பவம் தொடர்பில் நீதிமன்றத்தில் குற்றஞ் சாட்டப்பட்டிருந்த குருநாகல் சத்திர சிகிச்சை நிபுணர் குற்றவாளி என குருநாகல் நீதவான் பந்துல குணரத்ன தெரிவித்தார்.

குற்றம் சாட்டப்பட்ட சத்திர சிகிச்சை நிபுணரை குற்றவாளி என தீர்ப்பளித்த பிரதம நீதவான் பந்துல குணரத்ன, சத்திர சிகிச்சை நிபுணர்கள் கோபத்துடனும் ஆத்திரத்துடனும் பணி புரியக்கூடாது, ஒழுக்கத்துடனும் நிதானத்துடனும் தமது கடமைகளை செய்யவேண்டும் என பிரதான நீதவான் குணரத்ன தெரிவித்தார்.

தேவைப்பட்டால், பிரதி வாதி அறுவைச் சிகிச்சை நிபுணரிடம் இருந்து இழப்பீடு கோரி மாவட்ட நீதிமன்றத்தில் வழக்குத் தாக்கல் செய்ய முடியும் என்று தீர்ப்பை வழங்கிய பின்னர், தாதியிடம் நீதவான் தெரிவித்தார்.

பின்னணி,

2019ஆம் ஆண்டு மார்ச் மாதம் 12 ஆம் திகதி அல்லது அதற்கு அண்மித்த நாட்களில் குருநாகல் போதனா வைத்திய சாலையின் அறுவைச் சிகிச்சை கூடத்தில் பணிபுரியும் தாதி ஒருவரை தாக்கி காயப்படுத்திய குற்றத்திற்காக குற்றஞ்சாட்டப்பட்ட சத்திர சிகிச்சை நிபுணருக்கு எதிராக குற்றவியல் சட் டத்தின் 314 ஆவது பிரிவைப் பயன்படுத்தி குருநாகல் தலைமையகப் பொலிஸார் தலைமை நீதவான் நீதிமன்றத்தில் வழக்குத் தாக்கல் செய்தனர்.

இந்த சத்திர சிகிச்சை நிபுணர் இந்தக் குற்றத்தைச் செய்த போது, குருநாகல் போதனா வைத்தியசாலையின் சத்திர சிகிச்சை நிலையத்தில் பணியாற்றிய இரண்டு வைத்தியர்கள் மற்றும் தாதியர்கள் இந்த வழக்கில் சாட்சிகளாக குறிப்பிடப்பட்டிருந்தனர்.

அந்த சாட்சிகள் அனைவரும் பிரதிவாதி சத்திர சிகிச்சை நிபுணருக்கு ஆதரவாக சாட்சியங்களை வழங்கியிருந்த பின்னணியில், சத்திரசிகிச்சை நிபுணருக்கு எதிராக நீதிமன்றம் குற்றஞ் சாட்டியமை விசேடமானது.

சத்திர சிகிச்சை நிபுணரால் தாக்கப்பட்ட தாதி தொடர்பில் நீதிமன்ற நீதிவான் வழங்கிய சட்ட வைத்திய அறிக்கை மற்றும் முறைப்பாடு செய்த தாதி வழங்கிய சாட்சியங்கள் மற்றும் உரிமைகளுக்காக வாதிட்ட சிரேஷ்ட சட்டத்தரணி கீர்த்தி துனுசிங்கவின் வாதங்களை கருத்திற்கொண்டு பிரதிவாதி சத்திரசிகிச்சை நிபுணரை குற்றவாளியென அறிவித்து இந்த தீர்ப்பு வழங்கப்பட்டுள்ளது.

Related Articles

Stay Connected

0FansLike
3,912FollowersFollow
0SubscribersSubscribe
- Advertisement -spot_img

Latest Articles